ಬೆಳಗಾವಿ 20: ಕೆ.ಎಲ್‌.ಎಸ್ ಸಂಸ್ಥೆಯ ರಾಜಾ ಲಖಮಗೌಡ ಕಾನೂನು ಮಹಾವಿದ್ಯಾಲಯದ ವಿದ್ಯಾರ್ಥಿಗಳು ಮಂಗಳೂರು ಎಸ್‌. ಡಿ. ಎಮ್ ಲಾ ಕಾಲೇಜು ಆಯೋಜಿಸಿದ ಲೆಕ್ಸ್‌ ಅಲ್ಟಿಮಾ ರಾಷ್ಟ್ರೀಯ ಮಟ್ಟದ ಲಾ ಫೆಸ್ಟ್‌ನಲ್ಲಿ ಬಹುಮಾನಗಳನ್ನು ಗೆದ್ದಿದ್ದಾರೆ.  

ವೃಷಭ್ ಪಾಟೀಲ್ ಅತ್ಯುತ್ತಮ ಜಾಮೀನು ಅರ್ಜಿ ಸ್ಪರ್ಧೆಯಲ್ಲಿ ವಿಜೇತರಾಗಿ ಹೊರಹೊಮ್ಮಿದರು, ಚೇತನಾ ಪಾಟೀಲ್ ಮೂಟ್ ಕೋರ್ಟ್‌ ಸ್ಪರ್ಧೆಯ ಸೆಮಿಫೈನಲ್ ಹಂತಕ್ಕೆ ಅರ್ಹರಾದರು, ಅಮೋಘ್ ಸಾನಿಕೋಪ್ ಕ್ವಿಜ್ ಸ್ಪರ್ಧೆಯ ಫೈನಲ್ ಹಂತಕ್ಕೆ ಅರ್ಹರಾದರು ಮತ್ತು ರಾಜ್ ಶಾ ವಾದ-ವಿವಾದ, ಮೂಟ್ ಕೋರ್ಟ್‌ ಹಾಗೂ ಕ್ವಿಜ್ ಸ್ಪರ್ಧೆಗಳಿಗೆ ಅರ್ಹತೆ ಪಡೆದಿದ್ದಾರೆ.  

ಕಾಲೇಜಿನ ಆಡಳಿತ ಮಂಡಳಿಯ ಅಧ್ಯಕ್ಷ ಎಂ.ಆರ್ ಕುಲಕರ್ಣಿ, ಆಡಳಿತ ಮಂಡಳಿ, ಪ್ರಾಚಾರ್ಯ ಡಾ. ಎ. ಹೆಚ್‌. ಹವಾಲ್ದಾರ್, ಮೂಟ್ ಕೋರ್ಟ್‌ ವಿಭಾಗದ ಸಂಯೋಜಕಿ ಪ್ರೊ. ಅಶ್ವಿನಿ ಪರಬ್, ಅಧ್ಯಾಪಕರು ಮತ್ತು ವಿದ್ಯಾರ್ಥಿಗಳು ವಿಜೇತರಿಗೆ ಅಭಿನಂದನೆ ಸಲ್ಲಿಸಿದರು.