ಯುವ ವಿಜ್ಞಾನಿ ಕಾರ್ಯಕ್ರಮ  

ನಾಡಿನ  ವಿದ್ಯಾರ್ಥಿಗಳು  ವಿಜ್ಞಾನ, ತಂತ್ರಜ್ಞಾನ, ಇಂಜಿನಿಯರಿಂಗ್,  ಕಲೆ,  ಗಣಿತ ಹಾಗೂ ಮಾನವೀಯತೆಯ  ಕುರಿತು ಸಂಶೋಧನೆ ಕೈಗೊಳ್ಳುವುದರ ಜೊತೆಗೆ ಉತ್ಕೃಷ್ಟ ಗುಣಮಟ್ಟದ ತರಬೇತಿ ಪಡೆಯಲಿ ಎಂಬ ಸದುದ್ದೇಶದಿಂದ ದೇಶದಲ್ಲಿಯೇ ಪ್ರಥಮ ಬಾರಿಗೆ ನಾಗನೂರು ರುದ್ರಾಕ್ಷಿ ಮಠದ ಸಿದ್ಧರಾಮೇಶ್ವರ ಶಿಕ್ಷಣ ಸಂಸ್ಥೆಯ ಆವರಣದಲ್ಲಿ ಟ್ರಾನ್ಸ್‌ ಡಿಸಿಪ್ಲೇನರಿ ಲನಿಂರ್ಗ್ ಸೊಲ್ಯೂಷನ್ ಪ್ರೈವೇಟ್ ಲಿಮಿಟೆಡ್ ಇವರ ಮಾರ್ಗದರ್ಶನದಲ್ಲಿ ಸ್ಟೀಮ್ ಹೆಚ್(ಖಖಿಇಂಒ-ಊ) ತರಬೇತಿ ಮತ್ತು ಸಂಶೋಧನಾ ಕೇಂದ್ರವನ್ನು ಪ್ರಾರಂಭಿಸಲಾಗುತ್ತಿದೆ ಎಂದು ನಾಗನೂರು ರುದ್ರಾಕ್ಷಿ ಮಠದ ಡಾ. ಅಲ್ಲಮಪ್ರಭು ಮಹಾಸ್ವಾಮಿಗಳು ತಿಳಿಸಿದ್ದಾರೆ.  

ಈ  ತರಬೇತಿ  ಮತ್ತು  ಸಂಶೋಧನಾ  ಕೇಂದ್ರದಲ್ಲಿ  ರೋಬೋಟಿಕ್ಸ,  ಕೃತಕ  ಬುದ್ಧಿಮತ್ತೆ, ಬಾಹ್ಯಾಕಾಶ  ತಂತ್ರಜ್ಞಾನ, ಪುನರ್ ಬಳಸಬಹುದಾದ ಶಕ್ತಿಯ ಮೂಲಗಳು ಸೇರಿದಂತೆ ವಿಜ್ಞಾನ ಹಾಗೂ ತಂತ್ರಜ್ಞಾನಕ್ಕೆ  ಪೂರಕವಾದ  ವಿಷಯಗಳ  ಕುರಿತು  ವಿದ್ಯಾರ್ಥಿಗಳು  ಸಂಶೋಧನೆ ಕೈಗೊಂಡು ದೇಶದ  ಹೆಸರಾಂತ  ವಿಜ್ಞಾನಿಗಳಿಂದ  ಹಾಗೂ  ಸಂಶೋಧಕರಿಂದ  ತರಬೇತಿ ಪಡೆಯಲಿದ್ದಾರೆ ಎಂದು  ಶ್ರೀಗಳು  ತಿಳಿಸಿದರು. 

ಸಂಶೋಧನಾ   ಕ್ಷೇತ್ರದಲ್ಲಿ   ಆಸಕ್ತಿ   ಇರುವ  ನಾಡಿನ  ವಿದ್ಯಾರ್ಥಿಗಳಿಗೆ  ಇದೊಂದು  ಅಪರೂಪದ  ಅವಕಾಶವಾಗಿದ್ದು,  ಆಸಕ್ತ  ವಿದ್ಯಾರ್ಥಿಗಳು  ಜನವರಿ  31ರೊಳಗಾಗಿ  ಉಚಿತವಾಗಿ ನೋಂದಣಿ  ಮಾಡಿಕೊಳ್ಳಬಹುದು.  ಸಂಶೋಧನಾ  ಕೇಂದ್ರಕ್ಕೆ   ವಿದ್ಯಾರ್ಥಿಗಳ  ಆಯ್ಕೆ  ಮಾಡುವ ದೃಷ್ಟಿಯಿಂದ  ಫೆಬ್ರವರಿ  2 ರಂದು  ಸಿದ್ಧರಾಮೇಶ್ವರ   ಸ್ವತಂತ್ರ  ವಿಜ್ಞಾನ ಪದವಿ ಪೂರ್ವ ಕಾಲೇಜು , ಶಿವಬಸವ ನಗರ, ಬೆಳಗಾವಿ ಇಲ್ಲಿ ಯುವ ವಿಜ್ಞಾನಿ ಆಯ್ಕೆ ಕಾರ್ಯಕ್ರಮ ಆಯೋಜಿಸಿದ್ದು, ಆಸಕ್ತ 7 ಮತ್ತು 10ನೇ ತರಗತಿಯ  ವಿದ್ಯಾರ್ಥಿಗಳು  ಇದರಲ್ಲಿ  ಪಾಲ್ಗೊಳ್ಳಬಹುದಾಗಿದೆ  ಎಂದು  ಶ್ರೀಗಳು ತಿಳಿಸಿದ್ದಾರೆ.