ಗದಗ 02:  ಸಾರ್ವಜನಿಕರ ಉಪಯುಕ್ತತೆಗಳ ವಿವಾದಗಳನ್ನು ಪರಿಹರಿಸುವಲ್ಲಿ   ಖಾಯಂ ಜನತಾ ನ್ಯಾಯಾಲಯ ಪ್ರಮುಖ ಪಾತ್ರ ವಹಿಸುತ್ತದೆ. ಸಾರ್ವಜನಿಕರು ಇದರ ಸದುಪಯೋಗ ಪಡೆದುಕೊಳ್ಳಬೇಕು  ಎಂದು  ಕರ್ನಾಟಕ ರಾಜ್ಯ ಕಾನೂನು ಸೇವೆಗಳ ಪ್ರಾಧಿಕಾರದ ಸದಸ್ಯ ಕಾರ್ಯದಶರ್ಿ  ಸಂಜೀವಕುಮಾರ್ ಹಂಚಾಟೆ ತಿಳಿಸಿದರು.

      ಗದಗ ಜಿಲ್ಲಾ ನ್ಯಾಯಾಲಯ ಕಟ್ಟಡದಲ್ಲಿ ಪತ್ರಿಕಾ  ವಿಡಿಯೋ ಕಾನ್ಫರನ್ಸ್  ಮೂಲಕ ಗದಗ ಮಾಧ್ಯಮ ಪ್ರತಿನಿಧಿಗಳನ್ನು ಉದ್ದೇಶಿಸಿ  ಅವರು  ಮಾತನಾಡಿದರು.

ಸಾರ್ವಜನಿಕ ಉಪಯುಕ್ತತಾ ಸೇವೆಗಳಾದ  ಪ್ರಯಾಣಿಕರನ್ನು ಅಥವಾ ಸರಕುಗಳನ್ನು ವಾಯು, ರಸ್ತೆ  ಅಥವಾ ನೀರಿನ ಮೂಲಕ ಒದಗಿಸುವ  ಸಾಗಾಣಿಕೆಯ ಸೇವೆ, ಅಂಚೆ,  ದೂರವಾಣಿ  ಸೇವೆ,  ವಿದ್ಯುತ್ ಪೂರೈಕೆ,   ನೀರಿನ ಸರಬರಾಜು ಮಾಡುವ ಯಾವುದೇ ಸಂಸ್ಥೆ, ಸಾರ್ವಜನಿಕ ಸಂರಕ್ಷಣೆ,    ನೈರ್ಮಲ್ಯ ವ್ಯವಸ್ಥೆ,   ಆಸ್ಪತ್ರೆ,  ವಿತರಣೆ   ಸೇವೆ, ವಿಮೆ ಸೇವೆ, ಬ್ಯಾಂಕಿಂಗ್ ಹಾಗೂ ಹಣಕಾಸು ಸಂಸ್ಥೆಗಳ , ವಸತಿ ಮತ್ತು ರಿಯಲ್ ಎಸ್ಟೇಟ್ ಸೇವೆ, ಶಿಕ್ಷಣ ಈ ಎಲ್ಲ  ಸೇವೆಗಳಲ್ಲಿ  ನ್ಯೂನತೆ ಉಂಟಾದಾಗ  ಅರ್ಜಿ  ಸಲ್ಲಿಸಿ ಜನತಾ ನ್ಯಾಯಾಲಯದಿಂದ  ಪರಿಹಾರ ಕಂಡುಕೊಳ್ಳಬಹುದಾಗಿದೆ.  ಕರ್ನಾಟಕ  ರಾಜ್ಯದಲ್ಲಿ  ಒಟ್ಟು 6  ಖಾಯಂ ಜನತಾ ನ್ಯಾಯಾಲಯಗಳು ಕಾರ್ಯನಿರ್ವಹಿಸುತ್ತಿದ್ದು   ಸಂಬಂಧಿತ  ಜಿಲ್ಲೆಯವರು    ವ್ಯಾಪ್ತಿ ಜಿಲ್ಲೆಗಳ ಜನರು ತಮ್ಮ ದೂರುಗಳನ್ನು ಖಾಯಂ ಜನತಾ ನ್ಯಾಯಾಲಯಕ್ಕೆ  ಸಲ್ಲಿಸಬಹುದಾಗಿದೆ.   

ಈ  ನ್ಯಾಯಾಲಯಗಳಿಗೆ  ಬರುವ ಪ್ರಕರಣಗಳಲ್ಲಿ ವಿವಾದಕ್ಕೊಳಗಾದ ಸ್ವತ್ತಿನ ಮೌಲ್ಯ  1 ಕೋಟಿ ರೂ.ಗಳನ್ನು ಮೀರಿರಬಾರದು. ಖಾಯಂ ಜನತಾ ನ್ಯಾಯಾಲಯವು ಜಿಲ್ಲಾ ನ್ಯಾಯಾಧೀಶರಾಗಿರುವ ಅಥವಾ  ಜಿಲ್ಲಾ ನ್ಯಾಯಾಧೀಶರಾಗಿದ್ದ, ಜಿಲ್ಲಾ ನ್ಯಾಯಾಧೀಶರಿಗಿಂತ ಹೆಚ್ಚಿನ ಶ್ರೇಣಿಯ ನ್ಯಾಯಿಕ ಅಧಿಕಾರಿಯಾಗಿರುವ ವ್ಯಕ್ತಿಯೊಬ್ಬರನ್ನು ಅದರ ಅಧ್ಯಕ್ಷರನ್ನಾಗಿ ಮತ್ತು ಸಾರ್ವಜನಿಕ ಉಪಯುಕ್ತ ಸೇವೆಗಳಿಗೆ ಸಾಕಷ್ಟು ಅನುಭವ ಇರುವ ಇಬ್ಬರು ವ್ಯಕ್ತಿಗಳನ್ನು ಸದಸ್ಯರನ್ನಾಗಿ ಹೊಂದಿರುತ್ತದೆ. ಸಾರ್ವಜನಿಕ ಉಪಯುಕ್ತತಾ ಸೇವೆಗಳ ಕುರಿತಂತೆ  ವಿವಾದವನ್ನು ನ್ಯಾಯಾಲಯಕ್ಕೆ ಕೊಂಡೊಯ್ಯುವುದಕ್ಕೆ ಮೊದಲು ವಿವಾದ ಇತ್ಯರ್ಥಕ್ಕಾಗಿ ಖಾಯಂ ಜನತಾ ನ್ಯಾಯಾಲಯಕ್ಕೆ ಅಜರ್ಿ ಸಲ್ಲಿಸಬಹುದಾಗಿದೆ.ಖಾಯಂ ಜನತಾ ನ್ಯಾಯಾಲಯವು ಹೊರಡಿಸುವ ಪ್ರತಿಯೊಂದು ಐತೀರ್ಪನ್ನು ಸಿವಿಲ್ ನ್ಯಾಯಾಲಯದ ಡಿಕ್ರಿಯೆಂದೇ ಪರಿಭಾವಿಸಲಾಗುವುದು. ಈ ಅಧಿನಿಯಮದಡಿ ಹೊರಡಿಸಲಾದ ಐತೀರ್ಪ್  ಅಂತಿಮವಾದದ್ದು ಅದನ್ನು ಯಾವುದೇ  ಮೂಲದಾವೆಯಲಿ, ಅರ್ಜಿಯಲ್ಲಿ ಅಥವಾ ಅಮಲ್ಜಾರಿ ವ್ಯವಹಾರದಲ್ಲಿ ಪ್ರಶ್ನಿಸುವಂತಿಲ್ಲ.  ಖಾಯಂ ಜನತಾ ನ್ಯಾಯಾಲಯವು ತಾನು ಹೊರಡಿಸಿದ  ಯಾವುದೇ ಐತೀರ್ಪನ್ನು ಸ್ಥಳೀಯ ಅಧಿಕಾರವ್ಯಾಪ್ತಿ ಹೊಂದಿರುವ ಯಾವುದೇ ಸಿವಿಲ್ ನ್ಯಾಯಾಲಯಕ್ಕೆ ಕಳುಹಿಸಿಕೊಡಬಹುದಾಗಿದ್ದು  ಆ ಸಿವಿಲ್ ನ್ಯಾಯಾಲಯವು ಆ ಐತೀರ್ಪನ್ನು ನ್ಯಾಯಾಲಯವು ಹೊರಡಿಸಿದ ಡಿಕ್ರಿಯಂತೆ ಅಮಲ್ದಾರಿಗೊಳಿಸಬಹುದಾಗಿದೆ ಎಂದು  ಹಂಚಾಟೆ ತಿಳಿಸಿದರು.

         ಖಾಯಂ ಜನತಾ ನ್ಯಾಯಾಲಯದ ಕುರಿತು ಗ್ರಾಮೀಣ ಪ್ರದೇಶಗಳಲ್ಲಿ ವ್ಯಾಪಕ ಪ್ರಚಾರಕ್ಕಾಗಿ ಡಂಗುರ ಸಾರುವುದು,   ವಿವಾದದ ಇತ್ಯರ್ಥದ ಕಾಲಮಿತಿ, ಆನ್ ಲೈನ್ ಮೂಲಕ ಅರ್ಜಿ  ಸಲ್ಲಿಸುವ  ವಿವಿಧ ವಿಷಯಗಳ ಬಗ್ಗೆ ವಿಡಿಯೋಕಾನ್ಫರನ್ಸ್ನಲ್ಲಿ ಚರ್ಚಿಸಲಾಯಿತು.ಜಿಲ್ಲಾ  ಕಾನೂನು ಸೇವಾ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿ  ರೇಣುಕಾ ಕುಲಕರ್ಣಿ  ಸೇರಿದಂತೆ  ರಾಜ್ಯದ ವಿವಿಧ ಜಿಲ್ಲೆಗಳ ಸದಸ್ಯ ಕಾರ್ಯದರ್ಶಿಗಳು, ಮಾಧ್ಯಮದವರು   ವಿಡಿಯೋ ಕಾನ್ಪರನ್ಸ್ ಪತ್ರಿಕಾಗೋಷ್ಟಿಯಲ್ಲಿ  ಭಾಗವಹಿಸಿದ್ದರು.