ಬೆಳಗಾವಿ 16: ಅಕ್ರಮವಾಗಿ ಗಾಂಜಾ ಮಾರಾಟ ಮಾಡುತ್ತಿದ್ದಾಗ ದಾಳಿ ನಡೆಸಿದ ಹಿರೇಬಾಗೇವಾಡಿ ಪೊಲೀಸರು ವ್ಯಕ್ತಿಯನ್ನು ಬಂಧಿಸಿದ್ದಾರೆ. 

ಹಲಗಾ ಗಣಪತಿ ಗಲ್ಲಿ ನಿವಾಸಿ ಪಿರಾಜಿ ಯಲ್ಲಪ್ಪ ಯೇಸುಚೇ ಆರೋಪಿಯಾಗಿದ್ದು, ಈತನ ಕಮಕಾರಟ್ಟಿ ಬ್ರಿಡ್ಜ ಕೆಳಗೆ ಅಕ್ರಮವಾಗಿ ಗಾಂಜಾ ಮಾರಾಟ ಮಾಡುತ್ತಿರುವ ಬಗ್ಗೆ ಖಚಿತ ಮಾಹಿತಿ ಬಂದ ಮೇರೆಗೆ ಹಿರೇಬಾಗೇವಾಡಿ ಪಿಎಸ್‌ಐ ಅವಿನಾಶ ಎ.ವೈ. ಹಾಗೂ ಸಿಬ್ಬಂದಿ ಅವರು ದಾಳಿ ಮಾಡಿದ್ದು, ಆರೋಪಿಯನ್ನು ಬಂಧಿಸಿ ಆತನಿಂದ 30,000 ರೂ. ಮೌಲ್ಯದ 650 ಗ್ರಾಂ ಗಾಂಜಾ ವಶಪಡಿಸಿಕೊಂಡು ಆರೋಪಿ ವಿರುದ್ಧ ಹಿರೇಬಾಗೇವಾಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಮುಂದುವರೆಸಲಾಗಿದೆ.